Ko‘klam qo‘shiqlaridan 1

Uch kunlik yomg‘ir To‘xtadi bazo‘r; Bulutlar ko‘chdi.

Kech kirgan chog‘da Tol shoxlariga Shu’lalar tushdi…

Havoning yuzi, Zaharli ko‘zi Muloyimlashdi…

Sharqning malagi – Nay kamalagi Ko‘kka ulashdi…

Tolda sochpopuk, Qiz ko‘ngli «po‘k-po‘k»… Taqmoq istaydir!

O‘rtoqjonini, Xayrixonini «Ha» deb qistaydir…

Lekin shu’lalar Singib boralar… Oqshom to‘r soldi.

Sochpopuk taqish, Yigitga yoqish… Ertaga qoldi!..

Andijon. 1925, 22–mart