Nu’mon ibn Bashir roziyallohu anhumodan rivoyat qilinadi:

«Rasululloh sollallohu alayhi vasallam dedilar: „Mo‘minlarning bir-birlarini yaxshi ko‘rishda, bir-birlariga rahm qilishda va mehr ko‘rsatishdagi misoli bir jasadga o‘xshaydi: undan bir a’zo og‘risa, butun jasad uyqusizlik va isitma bilan unga hamdard bo‘ladi“».

Manba: Buxoriy va Muslim rivoyati (muttafaqun alayh); lafz Muslimniki.

Bu — do‘stlik va birodarlikning eng chiroyli tasviri. Haqiqiy do‘st sizning og‘rig‘ingizni o‘z og‘rig‘idek his qiladi.

Sinfdoshingiz kasal bo‘lsa, xabar oling; do‘stingiz qiyin kunni boshidan o‘tkazayotgan bo‘lsa, yoniga boring. «Menga nima» degan befarqlik jasadning a’zosi emas, begonaning xulqi.