Abdulloh ibn Amr ibn Os roziyallohu anhumodan rivoyat qilinadi:

«Nabiy sollallohu alayhi vasallam dedilar: „(Yaxshilikka yaxshilik bilan) javob qaytaruvchi silai rahm qiluvchi emas. Balki silai rahm qiluvchi — qarindoshligi uzilganda uni bog‘laydigan kishidir“».

Manba: Buxoriy rivoyati.

«U kelsa, men ham boraman; u qo‘ng‘iroq qilmasa, men ham qilmayman» — bu savdo, silai rahm emas. Haqiqiy qarindoshlik birinchi qadamni o‘zi qo‘ya olishdan boshlanadi.

Ayniqsa aka-uka orasidagi araz ko‘pincha meros, pul yoki kichik gap ustidan chiqadi. Kim birinchi bo‘lib «qanday yuribsan?» deb qo‘ng‘iroq qilsa, o‘sha g‘olib.